განათლების გლობალური მონიტორინგის რეგიონული ანგარიში ეფუძნება 2024-25 წლების გლობალური მონიტორინგის ანგარიშის მიდგომებს და ეყრდნობა პარტნიორი ორგანიზაციებისა და კონტრიბუტორების გამოცდილებებს. ანგარიში წარმოაჩენს შედარებით ანალიზს ინკლუზიური განათლების ლიდერობის პრაქტიკის შესახებ, რომელიც აერთიანებს რვა ქვეყნის (ალბანეთი, ბოსნია და ჰერცეგოვინა, ესტონეთი, საქართველო, ყირგიზეთი, მოლდოვა, პოლონეთი და სლოვენია) განათლების სისტემებში შეგროვებულ ინფორმაციას, მათ შორის ქვეყნების მაგალითების სიღრმისეული კვლევის შედეგებს. დოკუმენტის ხილვა შესაძლებელია შემდეგ ბმულზე https://www.unesco.org/gem-report/en/2025ceecca

Sorry, this entry is only available in English.

Sorry, this entry is only available in English.

იუნესკოს გლობალურიგანათლებისმონიტორინგის 2024/25 წლების ანგარიში (GEM Report), რომელიც განათლებაში ლიდერობის თემას ეძღვნება, ხელმისაწვდომი გახდა დაინტერესებული საზოგადოებისათვის. დოკუმენტის ხილვა შესაძლებელია შემდეგ ბმულზე https://unesdoc.unesco.org/ark:/48223/pf0000391406

ასევე, ხელმისაწვდომია PEER (Profiles Enhancing Education Reviews) მიმოხილვა სკოლის ლიდერობაზე (https://education-profiles.org/themes/~school-leadership), სადაც შესაძლებელია 211 ქვეყნის და მათ შორის საქართველოს განათლების სისტემის ანალიზის ძირითადი მიგნებების გაცნობა.

განათლების პოლიტიკის, დაგეგმვისა და მართვის საერთაშორისო ინსტიტუტიმონაწილეობს იუნესკოსგლობალურიგანათლებისმონიტორინგის ანგარიშის(GEM Report)შემუშავებაში. იუნესკოს ანგარიშიწარმოადგენსგლობალურსაზოგადოებრივ სიკეთეს, რომელიც ემსახურება მდგრადი განვითარების მეოთხე მიზნის მიღწევას (SDG4: ხარისხიანი განათლება). 2002 წელს დაარსებულიგლობალურიგანათლებისმონიტორინგი წარმოადგენს დამოუკიდებელ ანგარიშს, რომელის შედეგებსაციუნესკოპერიოდულად აქვეყნებს. 2024/25 წლებში ანგარიშიფოკუსირებული იქნებალიდერობასადა განათლებაზე.სკოლის ლიდერობა განათლების ხარისხისა და თანასწორობის ცენტრშია, ამიტომაც ცენტრალური და აღმოსავლეთევროპის, კავკასიისა და ცენტრალური აზიის რეგიონული ანგარიში ფოკუსირებულია სკოლის ლიდერობასა და ინკლუზიის თემაზე, განსაკუთრებული აქცენტით სკოლის ინკლუზიური ლიდერობის პრაქტიკაზე. იგი დაეფუძნება ალბანეთში, ბოსნია და ჰერცეგოვინაში, ესტონეთში, საქართველოში, ყირგიზეთში, მოლდოვასა და სლოვენიაში ჩატარებულ ყოვლისმომცველ კვლევის შედეგებს, რომელიც მიზნად ისახავს პასუხის გაცემას კითხვაზე, უჭერს თუ არა მხარს რეგიონის სკოლების ხელმძღვანელობა ინკლუზიას და როგორ. კვლევა შეისწავლის საგანმანათლებლო დაწესებულებების მართვის პრაქტიკას სკოლის ლიდერობის როლებთან და სტანდარტებთან მიმართებაში; სკოლების ლიდერების შერჩევის, მომზადებისა და განვითარების პოლიტიკას და ასევე წარმოაჩენს ინკლუზიური ლიდერობის პრაქტიკას რეგიონში. ანგარიშის მიზანია გამოავლინოს სკოლის ლიდერების საჭიროებები ინკლუზიასთან დაკავშირებით. საქართველოში კვლევას განახორციელებს განათლების პოლიტიკის, დაგეგმვისა და მართვის საერთაშორისო ინსტიტუტი.

განათლების პოლიტიკის, დაგეგმვის და მართვის საერთაშორისო ინსტიტუტი მონაწილეობას იღებს ახალ რეგიონულ პროექტში “სოციალური უთანასწორობა და კეთილსინდისიერება ურბანულ საჯარო სკოლებში ჩარიცხვისას”. პროექტის განხორციელება 2021 წლის ოქტომბრიდან დაიწყო და საქართველოსთან ერთად მასში ჩართულია პარტნიორი ორგანიზაციები მოლდოვადან, სომხეთიდან, აზერბაიჯანიდან, ყირგიზეთიდან და რუსეთიდან.

პროექტის ფარგლებში განხორციელდება კვლევა, რომლის მიზანია კორუფციული და არაკეთილსინდისიერი პრაქტიკების, მიზეზების, რისკების და ხელმშემწყობი ფაქტორების გამოვლენა, ანალიზი და შესაბამისი რეკომენდაციების შემუშავება. კვლევის ანგარიში ასახავს ექვსი ქვეყნის სკოლებში მოსწავლეების ჩარიცხვის პოლიტიკს შესწავლის, არსებული პრაქტიკების დარუქების და კეთილსინდისიერების დარღვევების  რისკ-ანალიზის შედეგებს.

ქართულად ითარგმნა და გამოქვეყნდა გამოყენებითი პოლიტიკისა და კეთილსინდისიერების ცენტრის (CAPI) და განათლების პოლიტიკის ინსტიტუტების ქსელის (NEPC) ერთობლივი ანგარიში სკოლებში კეთილსინდისიერების შესახებ ადამიანური და ფინანსური რესურსების მართვისას, რომელიც მომზადდა საერთაშორისო პროექტის „კეთილსინიდისიერება განათლების სისტემაში“ ფარგლებში, ღია საზოგადოების ფონდების განათლების მხარდაჭერის პროგრამის თანადგომით. ანგარიში აღწერს იმ მტკიცებულებებს და ქვეყანათა შორის მიგნებებს, რომლებიც გამოვლინდა განათლების პოლიტიკის ინსტიტუტების ქსელის წევრი ოთხი ორგანიზაციის ადგილობრივად განხორციელებულ შეფასებებში. ეს ორგანიზაციები გახლავთ: განათლების პოლიტიკის, დაგეგმვისა და მართვის საერთაშორისო ინსტიტუტი (EPPM), საქართველო; საგანმანათლებლო ინიციატივების მხარდაჭერის ფონდი (FEIS), ყირგიზეთი; განათლების ცენტრი PRO DIDACTICA, მოლდოვა; მონღოლეთის საგანმანათლებლო ალიანსი (MEA). ანგარიშის გამოქვეყნებასთან დაკავშირებულ სპეციალურ ვებინარზე განიხილებოდა ორი საკითხი: არიან თუ არა დასახელებული ქვეყნების სასკოლო განათლებაში მონაწილე სუბიექტები ჩართული პრობლემურ პრაქტიკებში (კეთილსინდისიერების დარღვევა), რომელიც იწვევს გადაცდომებს ადამიანური და ფინანსური რესურსების მართვისას განათლებაში და თუ კი, რა არის ის სტრუქტურული და სისტემური ხარვეზები, რომლებიც მოტივაციას უმაღლებს და ხელს უწყობს ასეთ გამოვლინებებს თვითოეულ ქვეყანასა და ქვეყნებს შორის. ვებინარზე წარმოდგენილ იქნა განათლების სექტორში  ადამიანური რესურსების მართვის და კერძო ფინანსური დონაციის გამოყენებისას კეთილსინდისიერების დარღვევების ანალიზის შედეგების მიმოხილვა.

გამოქვეყნდა იუნესკოს ახალი ანალიზი, რომელიც მოიცავს ცენტრალური და აღმოსავლეთ ევროპის, კავკასიის და შუა აზიის 30 ქვეყნის განათლების სისტემებს. 2021 წლის განათლების გლობალური მონიტორინგის ანგარიში ცენტრალური და აღმოსავლეთ ევროპის, კავკასიის და შუა აზიის ქვეყნებისთვის – „ინკლუზია და განათლება: ყველა, ნიშნავს ყველას” შემუშავებულია ერთობლივად იუნესკოს, სპეციალური საჭიროებებისა და ინკლუზიური განათლების ევროპული სააგენტოს და განათლების პოლიტიკის ცენტრების ქსელის მიერ. განათლების პოლიტიკის, დაგეგმვისა და მართვის საერთაშორისო ინსტიტუტმა განახოციელა საქართველოს განათლების სისტემის არსებული მონაცემების შეგროვება და ანალიზი. ანალიზი დამყარებულია ქვეყნის განათლების სისტემის ინკლუზიის გამოწვევებზე რეაგირების მონაცემებზე. იგი ითვალისწინებს 2020 წლის განათლების გლობალური ანგარიშის მიდგომებს და პარტნიორი ორგანიზაციების ექსპერტიზებს. ანგარიშს საფუძვლად უდევს 30 ქვეყნის განათლების სისტემებში მოძიებული ინფორმაცია, რომელის მიხედვითაც განხორციელდა შედარებითი ანალიზი განათლებაში ინკლუზიის განსაზღვრისა და განვითარების დონის დასადგენად. 2021 წლის ევრაზიის ანგარიში მოიცავს მტკიცებულებებზე დაფუძნებულ რეკომენდაციებს მთავრობებისათვის და სხვა დაინტერესებული ჯგუფებისათვის ინკლუზიის გაძლიერების და მდგრადი განვითარების მე-4 მიზნის პოლიტიკაში ასახვისათვის რეგიონის მასშტაბით.

გამოყენებითი პოლიტიკისა და კეთილსინდისიერების ცენტრმა (CAPI) და განათლების პოლიტიკის ინსტიტუტების ქსელმა (NEPC) გამოაქვეყნეს ახალი ერთობლივი ანგარიში სკოლებში კეთილსინდისიერების შესახებ ადამიანური და ფინანსური რესურსების მართვისას, რომელიც მომზადდა საერთაშორისო პროექტის „კეთილსინიდისიერება განათლების სისტემაში“ ფარგლებში, ღია საზოგადოების ფონდების განათლების მხარდაჭერის პროგრამის თანადგომით.

ანგარიში აღწერს იმ მტკიცებულებებს და ქვეყანათა შორის მიგნებებს, რომლებიც გამოვლინდა განათლების პოლიტიკის ინსტიტუტების ქსელის წევრი ოთხი ორგანიზაციის ადგილობრივად განხორციელებულ შეფასებებში. ეს ორგანიზაციები გახლავთ: განათლების პოლიტიკის, დაგეგმვისა და მართვის საერთაშორისო ინსტიტუტი (EPPM), საქართველო; საგანმანათლებლო ინიციატივების მხარდაჭერის ფონდი (FEIS), ყირგიზეთი; განათლების ცენტრი PRO DIDACTICA, მოლდოვა; მონღოლეთის საგანმანათლებლო ალიანსი (MEA).

ანგარიშის გამოქვეყნებასთან დაკავშირებულ სპეციალურ ვებინარზე განიხილებოდა ორი საკითხი: არიან თუ არა დასახელებული ქვეყნების სასკოლო განათლებაში მონაწილე სუბიექტები ჩართული პრობლემურ პრაქტიკებში (კეთილსინდისიერების დარღვევა), რომელიც იწვევს გადაცდომებს ადამიანური და ფინანსური რესურსების მართვისას განათლებაში და თუ კი, რა არის ის სტრუქტურული და სისტემური ხარვეზები, რომლებიც მოტივაციას უმაღლებს და ხელს უწყობს ასეთ გამოვლინებებს თვითოეულ ქვეყანასა და ქვეყნებს შორის. ვებინარზე წარმოდგენილ იქნა განათლების სექტორში  ადამიანური რესურსების მართვის და კერძო ფინანსური დონაციის გამოყენებისას კეთილსინდისიერების დარღვევების ანალიზის შედეგების მიმოხილვა.