ორშ – პარ :10:00 – 18:00

+ 995 322 23 44 33

info@eppm.org.ge

ექსპერტობის მსურველთათვი

Home
ექსპერტობის მსურველთათვი

ექსპერტთა მსურველებმა გთხოვთ წარმოადგინოთ ელექტრონული განაცხადი (ავტობიოგრაფია ქართულ და ინგლისურ ენაზე, სამოტივაციო წერილი) შემდეგ მისამართზე info@eppm.org.ge. წერილის სათაურში გთხოვთ მიუთითოთ ექსპერტობის კატეგორია, რომელზედაც აკეთებთ განაცხადს.

ზოგადი განათლების ექსპერტთა მინიმალური საკვალიფიკაციო მოთხოვნებია:

ა) მაგისტრი ან მასთან გათანაბრებული ხარისხი;

ბ) ზოგადსაგანმანათლებლო დაწესებულების ფუნქციონირების, მასში მიმდინარე პროცესებისა და სპეციფიკის ცოდნა, რაც დასტურდება შესაბამისი სამუშაო გამოცდილებით;

გ) ზოგადი განათლებასთან დაკავშირებული სამართლებრივი აქტების ცოდნა:

„ზოგადი განათლების შესახებ“ საქართველოს კანონი;

„განათლების ხარისხის განვითარების შესახებ“ საქართველოს კანონი;

„ზოგადი განათლების ეროვნული მიზნების დამტკიცების შესახებ“ საქართველოს მთავრობის 2004 წლის 18 ოქტომბრის №84 დადგენილება;

„ეროვნული სასწავლო გეგმის დამტკიცების შესახებ“ საქართველოს განათლებისა და მეცნიერების მინისტრის 2016 წლის 18 მაისის №40/ნ ბრძანება;

„საგანმანათლებლო დაწესებულებების ავტორიზაციის დებულებისა და საფასურის დამტკიცების შესახებ“ საქართველოს განათლებისა და მეცნიერების მინისტრის 2010 წლის 1 ოქტომბრის № 99/ნ ბრძანება;

„საგანმანათლებლო დაწესებულებების საგანმანათლებლო პროგრამების აკრედიტაციის დებულებისა და საფასურის დამტკიცების შესახებ“ საქართველოს განათლებისა და მეცნიერების მინისტრის 2010 წლის 4 მაისის №65/ნ ბრძანება;

„მასწავლებლის საქმიანობის დაწყების, პროფესიული განვითარებისა და კარიერული წინსვლის სქემის დამტკიცების შესახებ“ საქართველოს მთავრობის 2015 წლის 20 თებერვლის №68 დადგენილება;

დ) კომპიუტერული უნარების ქონა;

ე) გუნდური მუშაობისა და ეფექტური კომუნიკაციის უნარი;

ვ) მონაცემების შეგროვების, ანალიზისა და არგუმენტირებული მსჯელობის უნარი.

პროფესიული განათლების ექსპერტთა მინიმალური საკვალიფიკაციო მოთხოვნებია:

ა) პროფესიული ან აკადემიური უმაღლესი განათლება (აღნიშნული მოთხოვნა არ ატარებს სავალდებულო ხასიათს პროფესიული ნიშნით ექსპერტის შერჩევისას, თუ დარგის სპეციალისტის კვალიფიკაცია დასტურდება შესაბამის სფეროში მუშაობის არანაკლებ 5 წლიანი გამოცდილებით);

ბ) პროფესიული საგანმანათლებლო დაწესებულების ფუნქციონირების, მასში მიმდინარე პროცესებისა და სპეციფიკის ცოდნა, რაც დასტურდება შესაბამისი სამუშაო გამოცდილებით ან დარგის სპეციალისტის კვალიფიკაცია, რაც დასტურდება შესაბამის სფეროში მუშაობის არანაკლებ 5 წლიანი გამოცდილებით;

გ) პროფესიულ განათლებასთან დაკავშირებული სამართლებრივი აქტების ცოდნა:

„პროფესიული განათლების შესახებ“ საქართველოს კანონი;

„განათლების ხარისხის განვითარების შესახებ“ საქართველოს კანონი;

„პროფესიული საგანმანათლებლო პროგრამების კრედიტებით გაანგარიშების წესის დამტკიცების შესახებ“, საქართველოს განათლებისა და მეცნიერების მინისტრის 2010 წლის 10 დეკემბრის №121/ნ ბრძანება;

„ეროვნული საკვალიფიკაციო ჩარჩოს დამტკიცების შესახებ“ საქართველოს განათლებისა და მეცნიერების მინისტრის 2010 წლის 10 დეკემბრის №120/ნ ბრძანება;

დ) კომპიუტერული უნარების ქონა;

ე) გუნდური მუშაობისა და ეფექტური კომუნიკაციის უნარი;

ვ) მონაცემების შეგროვების, ანალიზისა და არგუმენტირებული მსჯელობის უნარი.

უმაღლესი განათლების ექსპერტთა მინიმალური საკვალიფიკაციო მოთხოვნებია:

ა) მაგისტრის ან მასთან გათანაბრებული აკადემიური ხარისხი; ხოლო, საგანმანათლებლო პროგრამებისა და კვლევითი ნაწილის ექსპერტობის კანდიდატს უნდა გააჩნდეს დოქტორის ან მასთან გათანაბრებული აკადემიური ხარისხი ან იყოს დოქტორანტი და ჰქონდეს უმაღლესი საგანმანათლებლო პროგრამის შემუშავებაში, განხორციელებასა და განვითარებაში მონაწილეობის გამოცდილება და/ან კვლევის განხორციელებისა და/ან კვლევითი პროექტების მართვის გამოცდილება. აღნიშნული მოთხოვნა არ ეხება დამსაქმებლის და სტუდენტის კვოტით განსაზღვრულ ექსპერტთა კორპუსის წევრებს;

ბ) უმაღლესი საგანმანათლებლო დაწესებულებების საქმიანობის კონკრეტული მიმართულების სპეციფიკის ცოდნა და გამოცდილება;

გ) უმაღლესი საგანმანათლებლო დაწესებულებების ფუნქციონირების, მასში მიმდინარე პროცესებისა და სპეციფიკის ცოდნა, რაც დასტურდება შესაბამისი სამუშაო გამოცდილებით;

დ) „ევროპის უმაღლესი განათლების სივრცეში ხარისხის უზრუნველყოფის სტანდარტების და სახელმძღვანელო პრინციპების (ESG)“ 2015 წლის დოკუმენტის ცოდნა, ბოლონიის პროცესის შესახებ ზოგადი ცოდნა და უმაღლეს განათლებასთან დაკავშირებული სამართლებრივი აქტების ცოდნა:

„უმაღლესი განათლების შესახებ“ საქართველოს კანონი;

„განათლების ხარისხის განვითარების შესახებ“ საქართველოს კანონი;

შესაბამისი სფეროს დარგობრივი მახასიათებლები.

ე) კომპიუტერული უნარების ქონა;

ვ) გუნდური მუშაობისა და ეფექტური კომუნიკაციის უნარი;

ზ) მონაცემების შეგროვების, ანალიზისა და არგუმენტირებული მსჯელობის უნარი;

თ) ინგლისური ენის ცოდნა.

დამსაქმებელთა მინიმალური საკვალიფიკაციო მოთხოვნებია:

ა) მაგისტრი ან მასთან გათანაბრებული აკადემიური ხარისხი; დარგის სპეციფიკის გათვალისწინებით ექსპერტს შეიძლება ჰქონდეს ბაკალავრის ან მასთან გათანაბრებული აკადემიური ხარისხი და შესაბამის სფეროში მუშაობის გამორჩეული გამოცდილება;

ბ) სფეროში საშუალო ან ზედა რგოლის მენეჯერულ პოზიციებზე მუშაობის გამოცდილება;

გ) ექსპერტთა კორპუსში შეყვანის დროისთვის მოქმედი დამსაქმებლის სტატუსის ქონა;

დ) ინგლისური ენის ცოდნა

ე) სასურველია დამსაქმებელ ექსპერტს ჰქონდეს საგანმანათლებლო დაწესებულებაში მუშაობის გამოცდილება;

ვ) დამსაქმებელ ექსპერტს არ მოეთხოვება ექსპერტთა კორპუსის შემადგენლობაში შეყვანის დროისთვის განათლების სფეროში მოქმედი კანონმდებლობის ცოდნა.

უმაღლესი განათლების ექსპერტთა კორპუსის წევრ საერთაშორისო ექსპერტთა საკვალიფიკაციო მოთხოვნებია:

ა) განათლების სფეროში ექსპერტული, საკონსულტაციო, სწავლების, ადმინისტრირების ან/და კვლევითი საქმიანობის მინიმუმ 10 წლიანი გამოცდილება ან უცხოურ ხარისხის უზრუნველყოფის განმახორციელებელ ინსტიტუციებთან ინსტიტუციური/პროგრამული შეფასების ექსპერტის რანგში თანამშრომლობის გამოცდილება;

ბ) ინგლისური ენის ცოდნა;

გ) საერთაშორისო ექსპერტს არ მოეთხოვებათ ექსპერტთა კორპუსის შემადგენლობაში შეყვანის დროისათვის განათლების სფეროში მოქმედი საქართველოს კანონმდებლობის ცოდნა.

უმაღლესი განათლების ექსპერტთა კორპუსის წევრი სტუდენტის საკვალიფიკაციო მოთხოვნებია:

ა) სტუდენტის სტატუსის ქონა;

ბ) მაღალი აკადემიური მოსწრება;

გ) სტუდენტურ და საგანმანათლებლო აქტივობებში ჩართულობა;

დ) „ევროპის უმაღლესი განათლების სივრცეში ხარისხის უზრუნველყოფის სტანდარტების და სახელმძღვანელო პრინციპების (ESG)“ 2015 წლის დოკუმენტისა და განათლების სფეროსთან დაკავშირებული შესაბამისი სამართლებრივი აქტების ცოდნა:

„უმაღლესი განათლების შესახებ“ საქართველოს კანონი;

„განათლების ხარისხის განვითარების შესახებ“ საქართველოს კანონი;

ე) გუნდური მუშაობისა და ეფექტური კომუნიკაციის უნარი;

ვ) მონაცემების შეგროვების, ანალიზისა და არგუმენტირებული მსჯელობის უნარი;

თ) ინგლისური ენის ცოდნა (აკრედიტაციის ექსპერტთა კორპუსის წევრი სტუდენტისთვის – სასურველია ინგლისური ენის ცოდნა).

მასწავლებელთა პროფესიული განვითარების ექსპერტთა მინიმალური საკვალიფიკაციო მოთხოვნებია:

ა) მაგისტრის ან მასთან გათანაბრებული ხარისხი ეროვნული სასწავლო გეგმით გათვალისწინებულ საგნობრივ დისციპლინებში ან ფსიქოლოგიაში, ან პედაგოგიკაში;

გ) პროგრამის/ტრენინგ-მოდულის შემუშავებისა და განვითარების პროცესში მონაწილეობის გამოცდილება;

დ) მასწავლებლის პროფესიასთან დაკავშირებული სამართლებრივი აქტების ცოდნა:

„ზოგადი განათლების შესახებ“ საქართველოს კანონი;

„განათლების ხარისხის განვითარების შესახებ“ საქართველოს კანონი;

ე) კომპიუტერული უნარების ქონა;

ვ) გუნდური მუშაობისა და ეფექტური კომუნიკაციის უნარი;

ზ) მონაცემების შეგროვების, ანალიზისა და არგუმენტირებული მსჯელობის უნარი.

ექსპერტთა კორპუსის წევრების შერჩევისას ინსტიტუტი უფლებამოსილია დაადგინოს დამატებითი/განსხვავებული საკვალიფიკაციო მოთხოვნები.